БЕЙНЕЛІ МҰХТАСАР ҒЫЛЫМХАЛ

91 жұмсағына тигізу; 3. Қиямда сәжде орнына қарау; 4. Рүкуда аяқ ұшына қарау 5. Рүку және сәждеде тәсбихтерді бес немесе жеті рет айту; 6. Маңдайдан бұрын мұрынды жерге тигізу; 7. Сәждеде мұрынның екі жанына қарау; 8. Сәлем бергенде иықтарына қарау; 9. Есінегісі келіп тоқтата алмаса, оң қолдың ішімен немесе сыртымен, не сол қолдың сыртымен ауызды жабу; 10. Мүмкіндігінше таза әрі жақсы киіммен оқуға тырысу; 11. Оң жаққа сәлем бергенде, оң жағындағы жамағат пен періштелерге сәлем беруге ниет ету; 12. Сол жағына сәлем бергенде, сол жақтағы жамағат пен періштелерге сәлем беруге ниет ету; 13. Жалғыз намаз оқыған жағдайда, Кирамән Кәтибин және хафаза періштелеріне сәлем беруге ниеттену; 14. Шама келгенше жөтелмеу. Намаздың мәкруһтары 1. Намаз үстінде жан-жаққа қарау; 2. Киімімен немесе денесімен ойнау (денесіне жабысқан киімді болмашы қимылмен түзеуде оғаштық жоқ); 3. Саусақ шытырлату; 4. Сәжде орнындағы тастарды тазалау; 5. Бүйірін таяну; 6. Бір жерін бір немесе екі рет қасу; 7. Себепсіз малдас құру; 8. Адамға қарсы қарап оқу; 9. Лаулаған отқа қарап оқу; 10. Алды-артында, төбесінде, оң-солында, не болмаса киімінде қарағанда айқын көрінетін жанды нәрсенің суреті болу; 11. Керілу; 12. Есінеу;