БЕЙНЕЛІ МҰХТАСАР ҒЫЛЫМХАЛ

83 Бисмилләһир-рахмәнир рахим. Қуль әғузү бираббин-нәс. Мәликин-нәс. Иләһин-нәс. Мин шәррил уәс уәсил ханнәс. Әлләзи юуәс-уису фи судурин-нәс. Минәл жиннәти уәннәс. Мағынасы: – Аса қамқор, ерекше мейірімді Алланың атымен бастаймын. (Мұхаммед (с.ғ.с.) «Адамдардың Раббына сиынамын. Адамдардың Иесіне сиынамын. Адамдардың Құдайына сиынамын. Сыбырлап азғырушылардың кесірінен. Мейлі адамнан болсын, жыннан болсын адамдардың көңіліне азғындық салатындардың кесірінен Аллаға сиынамын», – де. НАМАЗДА ОҚЫЛАТЫН КЕЙБІР ДҰҒАЛАР Тәкбір және сүбханәкә Аллаһү әкбар. Сүбхәнәкаллаһүммә уә бихамдик. Уә тәбәра кәсмүк. Уә тәғалә жәддүк (уә жәллә сәнәүк)1. Уә лә иләһә ғайрук. Мағынасы: – Алла бәрінен де ұлы. Уа, Раббым! Сені мақтап, мадақтаймын, Сенің атың мүбәрак, Сенің ұлықтығың аса биік және Сенен өзге құдай жоқ. 1. Жаназа намазында ғана оқылады.