БЕЙНЕЛІ МҰХТАСАР ҒЫЛЫМХАЛ

154 «Қоштасу құтпасында» болған жүз жиырма мыңға жуық сахабаның көпшілігі Алланың кәләмі – Құран Қәрімді, хақ дін – исламды насихаттау үшін жер бетіне таралып кеткен. Бүгінгі таңда болса, асыл дінімізді қорлайтын, исламға жат қылықтарымен ластайтын әртүрлі дінбұзар, бүлікші топтармен күресу, әлі де болса исламнан, иманнан бейхабар тірлік кешу сияқты келеңсіздіктерді түзету үшін жасалған әрбір салиқалы іс Алла жолындағы ұлы күреске жатады. Сондай-ақ тәухид нұрын басқаға жайып, ислам нұрымен сусындағандардың иманын күпірліктен қорғап, адасқанды жөнге салу әрбір саналы мұсылманның басты міндеті болып табылады. Шындық пен жалғанның, хақ пен нақақтың текетіресі барлық дәуірде болған. Бұлардың күресі бүгінге дейін жалғасуда және қияметке дейін жалғаса бермек. Ақиқат үстемдік құрып, байрағын желбіреткенге дейін күпірлікпен бетпе-бет келу өзін мұсылман санаған әрбірінің міндеті болмақ. Білім мен дін – біріне-бірі сәулесін түсіріп, толықтыратын егіз ұғым. Басқаның жетегінде кетіп, қолжаулығына айналмау үшін сауатымыздың жоғары деңгейде болуымен қатар рухани дүниеміздің бай болуы өте маңызды. Сол үшін «мен» болған нәпсіңізбен күресе отырып, кәміл мұсылман болу дәрежесіне жету жолындағы күрес – күрестің ең үлкені. МҰСЫЛМАНДАРДЫҢ ҚОҒАМДАҒЫМІНДЕТТЕРІ 1. Көрші ақысы Отбасы мен туған-туыстан соң біздің ең жақынымыз – көршілеріміз. Көрші ақысына мұқият болып, оларға қолымызбен, тілімізбен және өзге іс-әрекеттерімізбен мүлдем зиян тигізбеуіміз және мазаламауымыз керек. Өйткені, пайғамбарымыз (с.а.у.): «Маған Жәбірейіл (ғ.с.) көрші туралы өсиеттерді көп айтқаны соншалық, мен көршіні көршінің малына мирасқор етеді деп ойладым»,– деген.